Gabonak eta alkohola

Gabonetan ohitura den legez normalean baino gehiago jan eta edaten da. Gainera, egindako estudioen bitartez, jakin badakigu gazteek alkohola edateaz gain beste droga batzuk ere kontsumitzen dituztela. Aipatutako estudio hauek ere adierazten dute, alkohola eta drogak gidatzearekin erlazionaturik daudela eta are gehiago egun hauetan.

Orokorrean gidariek uste dute, legeak jartzen duen alkoholemia edo drogen gehieneko tasak gainditzen ez badira, gidatzea ez dela arriskutsua bihurtzen. Baina esan beharra dago oso oker gabiltzala. Alkohola duen edozein edari motak edo drogek gidatzeko gaitasunean eragiten dute, beraz alkohola edo drogarik hartzen bada, gure ikusmena, entzumena, pertzepzioa,… eta abarrean eragina izango dutela eta gidatzea beraz arriskutsua bihurtuko dela.

Esan ere, nahiz eta alkohola ere droga bat izan baimendutako droga bat dela. Eta horregatik, gobernuak araudiak baimendutako gehieneko alkohol tasa gainditu gabe gidatzea baimentzen duela. Baina kontuz, gidariak ibilgailua arrisku gabe gidatzeko moduan dagoenean bakarrik. Hau da, nahiz eta gehieneko alkohol tasa gainditu ez, gidariaren gaitasunak gutxituta badaude, bide segurtasunaren aurkako delitutzat hartu daiteke.

Araudiak baimentzen duen gehieneko alkoholemi tasa ondorengoa da:

· Arau orokor bezala: 0,25 mlgr/ litro arnas edo 0,5 gr/ litro odol.

· Ibilgailu astunak (+3500), autobusak, taxiak, eskola edo umeen garraioa, lehentasuneko ibilgailuak (anbulantzia, polizia…), garraio bereziak, merkantzia arriskutsuak eta gidari berriak lehenengo bi urteetan: 0,15 mlgr/ litro arnas edo 0,25 gr/ litro odol.

Tasa hauek gaindituz gero, isun ekonomikoa izateaz gain, puntuak ere kentzen dituzte. Eta araudiaren azkeneko aldaketak direla eta honela geratu da:

· 0,50 mlgr/l baino gehiagoko alkoholemia tasa: 6 puntu.

· Ibilgailu astunak, gidari berriak,… 0,25 mlgr/l baino gehiagoko alkoholemia tasa: 6 puntu.

· 0,25 mlgr/l baino gehiago eta 0,5 mlgr/l arteko tasa: 4 puntu.

· Ibilgailu astunak, gidari berriak,… 0,15 mlgr/l baino gehiago eta 0,3 mlgr/l arteko tasa: 4 puntu.

· Edozein drogaren menpe gidatzeak: 6 puntu.

Beraz nahiz eta segurtasunerako ere alkohola eta drogak gidatzearekin nahastea komeni ez den, aipatutako alkohol tasa hauek gainditzea oso erraza da.

GAIA: UMEAK LOTZEKO GAILUAK

Oso garrantzitsua da umeak behar bezala lotzea ibilgailuan zirkulatzen dugunean. Istripu bat izanez gero, lesio larriak izango dituzte eta. Araudiak honako hau esaten du: "Ibilgailuan zirkulatzen duten pertsona guztiek segurtasun uhala behar bezala jarrita eraman behar dute. Eta 12 urte baino gutxiagokoek edo 1,35 metrotako garaiera gainditzen ez duten pertsonak behar bezala homologaturiko gailuekin loturik zirkulatu beharko dute".

Bigarren talde honetan umeak sartuko genituzke. Umeak lotzeko gailuak lau taldetan banatzen ditugu: O,I,II eta III taldeak.

O taldea

Talde honetan 10 kilogramo eta gutxi gorabehera urte bat-arteko umeak joan daitezke. Hauei arrautza itxurako eserleku bezala ere ezagutzen zaie. O taldeko gailuak aurreko zein atzeko eserlekuetan kokatuta joan daitezke, baina aurrean joanez gero airbaga deskonektatzeko aukera izan beharko du ibilgailuak. Ez badugu airbaga deskonektatzen, irteterakoan eserlekua atzerantz bota dezake eta umeak osatu ezinezko zauriak jasan ditzake.

O+ taldea

Talde honetan 13 kilogramo eta gutxi gorabehera urte eta erdi-arteko umeak joan daitezke. Talde honetatik aurrera, gailu guztiak atzeko eserlekuetan behar bezala kokatuta joango dira.

O/I taldea

Eserleku hauek 18 kilogramo eta gutxi gorabehera 4 urte-arteko umeak joateko dira.

I taldea

9-18 kilogramo eta gutxi gorabehera urte bat eta 4 urte bitarteko umeentzat.

I/II/III taldea

9-36 kilogramo eta gutxi gorabehera urte bat eta 12 urte bitarteko umeentzat.

II/III taldea

15-36 kilogramo eta gutxi gorabehera 4 urte eta 12 urte bitarteko umeentzat.

Taldearen izenean ikusten den bezala, ume talde bat baino gehiagorentzat balio duela adierazten dezake. Hau dela eta, Euroncap bezalako enpresek eginiko segurtasun probetan (crash-test), argi eta garbi geratu da, umeak lotzeko gailua talde bat baino gehiagokoa denean, segurtasun baldintzak gutxitzen direla.

Gailua kokatzerakoan, kontutan izan beharko dira ondorengoak:

1. Segurtasun uhalarekin edo isofix sistemarekin lokarrietara ondo lotuta dagoela.
2. Segurtasun uhala badarama, uhala zimurrik gabe egotea.
3. Gailua eseri behar den umearen garaiera eta pisuari egokitzen zaizkiola.

Azkenik, sarritan zalantzak izaten ditugu baita ere atzeko zein eserlekutan kokatu beharko den umeak lotzeko gailua. Posible bada, tokirik seguruena erdiko eserlekua izango da. Honela, albo-talka bat izanez gero, umeari behar bada ez zaio talka zuzenean helduko.

ZAHARRAK BERRI

Atal honetan, arauak gogoratzea izango da gure helburua. Batzuetan definizioak izango ditugu kontutan eta besteetan funtsezko arauak. Hau irakurtzen duenak, ager litzaizkiokeen zalantzak galdetu ditzake eta guk ilusio handiz erantzungo ditugu.